1'20

REGISTRES DU BUREAU

ent[re]ra en ceste ville par la porte Sainct Denis ^(I>; et vous prions n'y voulloir faillir, s

Pareilz mandemens ont estez expédiez aux Quar-

[i56a]

teniers de lad. Ville pour appeller le plus grand nombre de bourgeois et marchans de lad. Ville qu'ilz pourront trouver, bien vestuz de leurs bons habitz et à cheval, pour aller au devant dud. S^r.

CXCIV. — Perquisition des armes.

26 et 27 avril 1562. (Fol. 118 r°.)

Du xxvi^mo jour de Apvril mil v^c lxii.

"M^e Jehan l'Escalopier, Quartenier de lad. Ville, trouvez vous demain à neuf heures du matin en l'Hostel de lad. Ville pour entendre ce que le Roy nous donne charge le jour d'hier de vous dire, sy n'y faictes faulte, n

Suyvant lequel mandement sont comparuz aud. Bureau à lad. heure lesd. Quarteniers, ausquelz a esté expédié le mandement, dont la teneur ensuyt :

"Sire Guillaume Parfaict, Quartenier de lad. Ville, nous vous mandons que vous ayez incontinant avecq voz Cinquanteniers et Dixiniers à vous transporter par devers tous les habitans de vostredict quartier, et de quelque qualité et condition qu'ilz soient leur faire commandement, de par le Roy et nous, qu'ilz ayent à vous declairer quelles armes ilz ont, et le nombre de personnes qu'ilz ont en leurs

maisons qu'ilz pourront armer pour s'en subvenir, si besoing est. Et où les aulcuns n'estoient seuffisau-ment garniz desd, armes, ieur faire commendement de par le Roy et nous d'en achepter; duquel achapt ilz vous certiffiront dedans trois jours après led. commendement; et de tous nous en faire description et procès verbal; et oultre vous mandons que vous ayez à faire commendement aux personnes de vostredict quartier depputez pour la garde des portes, que nous n'entendons estre plus que trente personnes, qu'ilz ayent à eulx y trouver entre cinq et six heures du matin précisement, et n'en partir que entre huict et neuf du seoir, en peyne de quarente solz parisis d'amende pour chascune desd, personnes deffaillans à lad. heure, et de pareille amende à ceulx qui deffenderont à assister à lad. garde des portes.

"Faict au Bureau de lad. Ville, le vingt septiesme Apvril mil cinq cens soixante deux."

CXCV. — Pour trois cens mil livres demandez par le Roy à la ville de Paris.

— Mess" les Prevost des Marchans et Eschevins seront chefz des cappitaines.

— Pour eslire des cappitaines. — M^e Rorert de Reauvais.

6 mai 1562. (Fol. 118 v°.)

Du mercredi, vi^me May v^c lxii.

En Assemblée le jour d'huy tenue en l'Hostel de la ville de Paris de Mess™les Prevost des Marchans, Eschevins, Conseillers de lad. Ville, pour adviser tant sur la somme de trois centz mil livres demandée par le Roy à lad. Ville à constitution de rente au denier douze, dont assignation sera baillée sur les biens apartenans aux gens d'Eglise, que sur certaine ordonnance du Roy vériffiée et esmologuée par la Court de Parlement pour la recherche des armes et personnes estans es maisons de ceste Ville et faulxbourgs; en laquelle se sont trouvez :

Mons^r le president de Boullancourl, mons^rd'Athis, mons'Hannequyn, mons^r de Livres, inons^r de Charmeau, mons' de Vilabry, mons^r le Lieutenant particulier, mons^r de Chambourcy, mons' m^e Thomas de Bragelongne, mons^r Du Gué, mons^r Le Lievre, mons¹ Palluau, mons^r de Courlay, mons" Perrot, mons^r Tanneguyn, sire Guillaume Larcher, sire Jehan Crocquet, sire Pierre Crocquet;

A esté conclud et advisé que, sans veoir le contract que les gens d'Eglise entendent faire avecq la Ville, pour la seureté^de ceulx que avecq la foy et credict de la Ville vouldront bailler argent, les lettres

(-) D'après les Mémoires da prince de Condé (coll. Michaud, 1™ série, t. VI, p. 628), Charles IX fît son entrée à Paris le lundi 6 avril (et non le i^er avril, comme le porte le Journal d'un curé ligueur, p. /17) sans aucune solennité, ayant à ses côtés la Reine-Mère et le roi de Navarre; il fut reçu par le Prévôt'des Marchands, ies Echevins et les marchands de Paris, "bien montés, tous revestus de noir», et descendant la rue Saint-Denis, gagna la rue de la Ferronnerie pour se rendre au Louvre.